సొంతంగా ఇల్లు కొనేందుకు, ఇంటి పునఃనిర్మాణం వంటి అవసరాల కోసం చాలా మంది బ్యాంకు నుండి హోమ్ లోన్ తీసుకుంటుంటారు. బ్యాంకులు, ఫైనాన్స్ సంస్థలు వంటి రుణదాతలు
లోన్ జారీ చేసేందుకు వివిధ అంశాలను పరిగణలోకి తీసుకుంటాయి. రుణగ్రహీత సిబిల్ స్కోర్, క్రెడిట్ యుటిలైజేషన్ రేషియో, ఆదాయం వంటి విషయాలను పరిశీలిస్తుంది. హోమ్ లోన్ కోసం అప్లై చేసే సందర్భంలో డాక్యుమెంట్స్లో కూడా ఎలాంటి మిస్టేక్ లేకుండా చూసుకోవాలి. లోన్ జారీ చేసేందుకు రుణదాతలు లోన్ తీసుకునే వ్యక్తి పర్మినెంట్ అకౌంట్ నంబర్ (PAN) ను చెక్ చేస్తాయి. పాన్ నంబర్లో ఏవైనా మిస్టేక్స్ ఉంటే లోన్ పొందడం కష్టమవుతుంది, కొన్ని సందర్భాల్లో లోన్ అప్రూవల్ ఆలస్యంగా జరుగుతుంది. కాబట్టి హోమ్ లోన్ కోసం అప్లై చేసుకునే వారు పాన్ వివారాలు, ఇతర డాక్యుమెంట్స్ను చెక్ చేసుకోవాలి. లోన్ తీసుకునే వ్యక్తి పేరు బ్యాంకు అధికారులు లోన్ తీసుకునే వ్యక్తి పాన్ వివరాలను ఆధార్, పాస్పోర్ట్, ఓటర్ ఐడీ వంటి కేవైసీ డాక్యుమెంట్స్తో చెక్ చేస్తారు. డాక్యుమెంట్స్ లేదా బ్యాంకు అకౌంట్లో పేరు, పాన్ కార్డులో ఉండే విధంగా చూసుకోవాలి. పాన్ కార్డుతో పాటు అన్ని డాక్యుమెంట్స్లో పేరు ఒకే విధంగా ఉండేలా చూడాలి. లేకపోతే లోన్ జారీచేసే బ్యాంకులు లోన్ ప్రాసెసింగ్ చేయడానికి ముందు ఆ వివరాలను సరిచేసుకోమని సూచిస్తాయి. పాన్ కార్డు యాక్టివ్గా ఉండాలి లోన్ ప్రాసెసింగ్ కోసం బ్యాంకులు తప్పనిసరిగా పాన్ కార్డు వివరాలను చెక్ చేస్తాయి. కాబట్టి యాక్టివ్ పాన్ కార్డును కలిగి ఉండాలి. ఒక వేళ పాన్ కార్డు ఇనాపరేటివ్గా ఉంటే లోన్ ప్రాసెస్ పూర్తికాదు. దీనితో పాటు పాన్ ఆధార్ లింక్ ప్రాసెస్ కూడా పూర్తిచేయబడి ఉండాలి. కాబట్టి లోన్ కోసం అప్లై చేసే ముందు పాన్ స్టేటస్ను ఒకసారి చెక్ చేసుకోవడం మంచిది.
