సొంత ఇల్లు కొనాలనేది చాలామందికి ఉండే ఒక కల. దీనికోసం ఎంతో కాలంగా డబ్బులు సేవ్ చేసుకోవడం, లోన్ తీసుకునే ప్లాన్ చేస్తుంటారు. సాధారణంగా ఇల్లు కొనేవారిలో కొంత
మంది నేరుగా మొత్తం డబ్బులు చెల్లించి ఒకేసారి కొంటారు. మరికొంత మంది హోమ్ లోన్ (Home Loan) ద్వారా ఇల్లు కొనుగోలు చేస్తుంటారు. అయితే హోమ్ లోన్ ద్వారా ఇల్లు కొనాలని ప్లాన్ చేసేవారికి ఎంత శాలరీ ఉండాలి అనే విషయం తెలుసుకుందాం! హోమ్ లోన్ జారీ చేసేందుకు బ్యాంకులు, ఫైనాన్స్ సంస్థలు వివిధ అంశాలను పరిగణలోకి తీసుకుంటాయి. రుణగ్రహీత వయస్సు, ఆదాయం డౌన్ పేమెంట్ ఎంత చెల్లిస్తున్నారు అనే విషయాలపై బ్యాంకులు పరిశీలిస్తాయి. డౌన్ పేమెంట్ ఎంత చెల్లించానే విషయం, మీరు తీసుకున్న లోన్ అమౌంట్పై ఆధారపడి ఉంటుంది. ఎక్కువ లోన్ తీసుకుంటే, డౌన్ పేమెంట్ కూడా ఎక్కువ కట్టాల్సి వస్తుంది. సాధారణంగా ఏదైనా లోన్ తీసుకునే ముందు బ్యాంకులు, ఫైనాన్స్ సంస్థలు వంటి రుణదాతలు కొన్ని అంశాలను పరిగణలోకి తీసుకుంటాయి. డౌన్ పేమెంట్ కోసం డబ్బులు దాచుకున్నప్పటికీ లోన్ తీసుకునే వ్యక్తి ఆదాయం, వయస్సు వంటి అంశాలను పరిగణలోకి తీసుకుంటుంది.
హోమ్ లోన్ తీసుకోవాలంటే ఆదాయం ఎంత ఉండాలి?
బ్యాంకుల నుండి తీసుకునే లోన్ విషయంలో సాధారణంగా రుణదాతలు మీ ఆదాయంలో 50 నుండి 60 శాతాన్ని ఈఎమ్ఐలు చెల్లించగలిగే డిస్పోసబుల్ ఇన్కమ్గా పరిగణిస్తాయి. మీ పేరు మీద ఇప్పటికే లోన్స్ ఉన్నట్లయితే హోమ్ లోన్ పొందే అవకాశాలు తగ్గవచ్చు.
బ్యాంకు లోన్ అనేది రెండు విషయాలపై ఆధారపడి ఉంటుంది. ఇల్లు కొనుగోలు కోసం ఎంత డౌన్ పేమెంట్ చేస్తున్నారు, మీ ఆదాయం ఎంత అనే రెండు అంశాలు హోమ్ లోన్ విషయంలో కీలకంగా ఉంటాయి. దీనితో పాటు బ్యాంకులు లోన్ టు వాల్యూ(LTV) రేషియోను కూడా పరిగణలోకి తీసుకుంటాయి.
సాధారణంగా రూ.30 లక్షలు విలువ చేసే ప్రాపర్టీ వాల్యూలో 90 శాతం వరకు లోన్ పొందవచ్చు. రూ.30 లక్షల నుండి రూ.75 లక్షల వరకు పొందే లోన్స్పై 80 శాతం లోన్ పొందవచ్చు.
హోమ్ లోన్ కోసం ఎంత ఆదాయం కలిగి ఉండాలి?
హోమ్ లోన్ తీసుకోవాలనుకునే వ్యక్తి ప్రాపర్టీ విలువ సుమారుగా రూ.40 లక్షలు ఉన్నట్లయితే అందులో రూ.10 లక్షలు డౌన్ పేమెంట్ చేస్తే ప్రతీ నెలా ఈఎమ్ఐ సుమారుగా రూ.24,628 ( వార్షిక వడ్డీ రేటు 7.75 శాతం ప్రకారం) ఉంటుంది. ఈ లోన్ కోసం సుమారుగా 8 లక్షల వార్షిక ఆదాయం కలిగి ఉండాలి.
FAQs
లోన్ టు వాల్యూ రేషియో(LTV) అంటే ఏంటి?
లోన్-టు-వాల్యూ (LTV) అంటే మీరు తీసుకునే లోన్ అమౌంట్, తనఖా పెడుతున్న ఆస్తి (బంగారం, ఇల్లు లేదా కారు) మార్కెట్ విలువకు మధ్య ఉండే నిష్పత్తి.
హోమ్ లోన్ లేకుండా నేరుగా మొత్తం డబ్బు చెల్లించి ఇల్లు తీసుకోవడం మంచిదేనా?
ఎమర్జెన్సీ ఫండ్, ఇతర పెట్టుబడులు, అవసరాల కోసం సరిపడా డబ్బు ఉన్న సందర్భంలో లోన్ తీసుకోకండా మొత్తం డబ్బులు ఒకేసారి చెల్లించి ఇల్లు కొనుగోలు చేయవచ్చని నిపుణులు చెబుతున్నారు.
